近日壓力大都不得了！
先早埋財政年度年結，追數追得要命！我幾日MSN 同Facebook status都係 “醉過方知酒濃、追數方知情重” 。其實四方老友都好幫忙，但當個池堂都無魚，不論有幾多情重老友，無魚就無魚。我出道時正值金融風暴，然後科網爆破、911、沙士，其實只有2005-06年較好過，身處唔好環境真係頗習慣。我自己的態度係，盡力做喇！唔認真去過漁堂找魚，又唔知一定無魚，或者有漏網之餘呢！我覺得依家點都幸福過上三兩份工，之前的工，礙於自己銷售的那舊野，係點追都無得追，根本無人要嘛。依家，我睇到唔係唔出的，只係個個客都高唱阿陳百強名曲…等！
埋年結外，呢個星期要埋客戶的一個Project！時間緊迫不再話下，意外一個接一個，真係一波未平一波又起，呢個weekend我地一班人都不分晝夜完成個Project！好幸福，有班好同事。當然係個Project Management上，大家最初可以籌劃得好D，寧願上下一心攪掂佢，好過花時間問責，最多遲D作檢討，大唔好再重蹈覆切。
不論點，環境唔好，EQ一定要高。要EQ高，一定要識得錫自己。可以relax的，就relax下，一條橡筋唔可以拉得太恆。我近日有個relax妙法，就係乜都唔做，坐係梳化到，幫住個電視機發白日夢。個腦已經成日用，咁點都要俾佢做D佢想做的事，我覺得我個腦最鍾意發白日夢。同埋，親親大自然都有助減壓架。話說我近日搬左屋，住高層，天台數落第三層，由於我住那個屋苑，88座都一樣咁高，我住高層可以幫多好多天空。好似我尋日其實好煩，盤算緊點做可以meet個deadline，煩緊時，忙到天空D雲 (尋日其實有D烏雲密佈) ，我覺得有舒困感覺。好多年前我最黑仔個時，初初做sales，追數壓力好大，我某日找個friend陪我去新界走一趟，見下草同牛咁，跟住去睇戲，我記得睇” 一碌庶” ，由於套戲背景係長州，又係郊外，過左呢日，我心情好好多。要減壓，不妨親親大自然喇！
三月係卯月，卯屬木，我最忌木！唯有同自己講，過埋呢個月就好D架喇！
Mar 30, 2009 11:56 am