以前有半桶水睇相佬，話我五行水多，利火。有好幾年，用乜唔係紅就綠。人地話睇相佬呃你十年八年，好在我自己對呢方面好有興趣，係初級班的時候，我已發現自己俾半桶水睇相佬老點。係，我五行係水多，但我夏天出世，幾多水都唔夠，所以我五行最忌木同火。因為水要生木，水都唔夠，仲要去生木。而木又會生火，所以我最忌木同火。月令係八字好重要，同一個五行，唔同月份，唔同季節，喜忌立即唔同。我幾buy呢套，試問我夏天流流，熱到爆，你飲幾多水都無用。
不能唔信邪，近十年來，每逢生日起三、四個月，總係特別黑仔。我好多大獲野都係夏天，仲要係盛夏發生。無野發生，其他都諸事不順。近月我便諸事不順，樣樣野打”click”。個人容易心浮氣燥同發火。
我諗，唔計五行，都係時候放假！休息一下，清理下混亂思緒。然後，重新黎過！2nd Jun 2007