兩日的公眾假期同埋上星期六，我都返左工！主要係呢期有好多迫切的工作要完成，閒日唔係開會就係interview，even對客，我都只能維持有限度服務，所到做到B少及大隻Mon死下死下。一D要寫Report同諗用腦諗的工作，唯有留待星期六及公眾假期，清清靜靜，工作效率增加一倍。仲有呀，月中要考日文試，要請兩日假，所以依家咪返定工先羅。
好多人會覺得我成日星期六及紅日要返工好慘，但係傳媒工作三年，我已經好習慣，甚至喜歡上呢種工作模式。好Flexible，要做野，咪返晒去羅，閒D個時，就放多D。我已經無Long weekend的concept好耐，因為我隨時都可以製造longweekend。同埋，一年365日都有同事返工，假期一班人食lunch，heahea地，有時會去大尾督，需知道，去大尾督，同佢大埔墟差唔係好多時間。
最迫切的工作係要攪好個新制度呀，好希望快D落實。另外係要請人，因為業務擴張，依家最起碼要請三至四個，由廣告組的Team Head到廣告或賣內容的Business Development Manager及Serve客的 Account Manager，三個唔同工種呀，有人就refer俾我喇！
Oct 2, 2007 9:42 am