踏入2016年，剛巧招聘Senior Account Executive (SAE), BD Manager, Designer及Contents Editors。今年最出人意表的係，以前最無CV、最難找人的SAE，竟然收到最多CV，好多CV的年資及經驗都超出SAE要求，BD Manager亦有唔少CV。反而較Junior的post，Designer及Editor，今次收到的CV不及較Senior的職位。此外，也收到不少將於2016年畢業的fresh grad自薦信，過往自薦信通常4月先開始，無試過咁早。
不少公司在降低成本，傾向聘請薪金較低的員工，同時加薪情況不理想，也導致有經驗的員工離職。情況跟911後相似，個人預計，今年裁員潮會比過往十年高。個人有以下提意:
1. 轉工要謹慎。除睇薪金和職位外，要評估下裁員機會有幾大，兔變成”last in first out”。同時有心理準備，競爭者多左，公司有得揀，要保持競爭力
2. 2014-15畢業的同學，將會有一大堆師弟師妹加入競爭，一年半載年資，再加上時時轉工，必定比fresh grad蝕底
3. 大企業風險，遠較獨立公司高，特別係中高層職位。轉工可以考慮一d獨立公司 (利申: 因為曾經歷唔少裁員潮，係呢方面確實有d心理障礙)
4. 如果因為加薪唔理想，導致好多同事辭職，咁其實你可以忍耐一下。道理好簡單，人棄我取，到經濟好番時，你就最有條件升職上位，有危必定有機