Q: 做sales做乜media好呢?
A: 表面上，做大media一定有著數，你cold call約客，你話係東方一定好過話係新報。同埋大media多數已有一套制度，包括sales management、client database同workflow會，咁會完善D。不過，找一個自己鍾意的media或者 product會做得得心應手d，表現都會好D。
Q: 插旗好定分cat好?
A: 插旗同分cat各有各好，插旗你唔使遇上死cat就等如死的局面，但你插人人亦會插你，日日防人人都癲。分cat不會被人搶客，對那個行業認識多D，知佢地幾時出同點出，另一方面，卒你數會容易好多，羅往個客list逐個客黎問你call左未、約左個客未等等。
Q: 揀乜cat好呢?
A: 所謂靚cat，個個media都唔同。羅大cat未必好事，因為公司會認為你d單都係order taking，唔使sell喇，appreciation自然少，而且對條數期望大，quota自然高。建議做duprising的cat，個cat增長快過你個quota，爆大數之外，亦會好有滿足感。
Q: 卒數係唔係好得人驚?
A: 只要你平時勤勤力力，真係有去見客有去出proposal的，卒數一d都唔可怕。其實卒數係幫助你到數，從卒的過程中，你sales head其實係間接話你知call乜客，你要點call；或者你聽下d同事點解call到，你吸取下自己都會call到。到你有日有機會卒人數，你會發現卒人數恐佈過被人卒數。
Q: 我唔到quota點算呀?
A: 唔到quota最基本係你人工低左。好多人話唔到quota會被卒死，但其實做得咁辛苦應該係為錢多過為興趣，所以唔到quota你驚找錢少左，好過驚俾人卒死喇。唔好一味想唔到數，其實埋到一個deal，滿足感好大架。
Q: 做sales係唔係要擦鞋架?
A: 做sales最基本係面面俱圓，因為良好客戶網絡係sales的最大資產。但良好網絡唔一定係擦鞋擦番黎。你可以多了解自己的product，行出黎professional d，物以類聚的情況下，你d客都會係做野個d，而唔係需要你去擦鞋個D。其實，客係買，sales係賣，我賣你買，身份本身係對等，唔好一開始就將自己身份降低。
Q: 做sales有無前途呢?
A: 無一份工係有絕對好前途的，包括做sales。但如果做得不過不失，錢途會比相同年資但唔係做sales的好，好幾多，好視乎你個人。做sales最難係頭兩年，要儲客network、要做好多cold call、make好多appointments、見好多客，最緊要係訓練EQ。
Q: 做sales有乜心得
A: 首先要pro，深層認識自己sell乜，跟住要想有乜賣點適合個客，同著衫一樣，將優點放大，將缺點隱藏。然後，要催眠自己，自己賣的野係最好，咁你先可以打動你的客。最後，要同個客建立信任，信任係最有用同最長久的。