6月5日，天睛。齊齊哈爾馬戲團今次衝出港島及九龍，到達離島作戶外表演，是次表演場地 – 愉景灣。
點解係愉景灣？貪佢係離島得黎，D地方又整整齊齊，咁阿Caleb同Haylay就可以盡情地玩樂。但尋日就加插左一個節目…睇樓！正，我地睇左成十個八個單位，大部份單位都係無敵海景，我地去邊到嘩、嘩聲。差D落訂買咁款。其中一個單位，我地公認佢係No. 1，因為擁有無敵海景之餘，隔格四正，個業主好捨得dun本，用開利冷氣同Panasonic雪櫃，而唔係用美的窩。但全日最正唔係D樓，係個地產經紀，佢drive住加哥爾夫球車帶我地去睇樓，我地覺得似身處泰國坐篤篤，而佢服務態度好，唔chur，有耐性，最緊要係…佢好靚仔！
阿 Caleb同Hayley玩到身水身汗，落沙灘跑跑，玩下泥沙，Hayley重第一次打”千秋” 添。阿Caleb全日好識運用佢識個三個仔 “Bird” 、Ship” 同 “Car” 。佢好鬼好眼，遠遠有隻雀，佢都即刻Bird。Hayley唔使講，PR上身，週圍同你say hi，佢識邊個係Nose，邊個係mouth喇。最羅你命三千係，當我拎起相機，佢會側起個頭擺甫士俾我影呀！
齊齊哈爾馬戲團各團員尋日散晒，但玩得好開心。唔好話小朋友，我地幾個大人，襯假期一班人去見下陽光與海灘，真係賞心樂事。
同場加映: 撞到小黃燈、虎姐同黃生一家，小黃燈識叫我呀！
- 天朗氣清的日在，加上兩個可愛的小朋友，幾重都好，拎單反係好值得的！
Aug 1, 2011 11:54 am